Wednesday, October 21, 2009

அணைக்கப்படா விளக்குகள்..

ஆதிக்கம் ஒய்யாரமாய்
உச்சந்தலையில் ஏறிநின்று
உந்தி தள்ள
அதன்விசையில் நானும்...
நான் ஆண்..?

அவள் சேலை களையும்
முனைப்பில் மனம் அலைய
அவசர்ரம்.. பொறுடா நாயே
அதட்டுகிறாள்..
எதிர்ப்பேயில்லை என்னிடம்
நான் ஆண்..?

எங்கடா அது
கால்சட்டைபை முட்டி
தலைதொங்கி
மெதுவாய் பல்லிழிக்குது ஆணுறை
அய்ய்யே நீ ஆண்
இது அவள்..!

காமம் குப்புற கவிழ
ஆடையை போர்த்தி
கலைந்த மயிர்களை
ஒழுங்குபடுத்துகையில்
சீப்பின் பல்லில்
ஆதிக்கம் மட்டும் கிழிபடாமல்..
அறையை வேகவேகமாய் கடக்கிறேன்...

கனத்த சப்தம்
அறை முழுவதும்
ஒலிக்க துவங்குகிறது
டேய் நாளைக்கும் வருவியா
பாப்பாக்கு இஸ்கூல்பீஸ் கட்டணுமாம்............

No comments: